Մ․ Սուքիասյան․ Լիահույս եմ, որ հունիսի 21-ին մենք ունենալու ենք նոր Հայաստան
«2018թ․, երբ ժողովուրդը փողոց դուրս եկավ ու իշխանությունը փոխվեց, կարծես թե՝ նախադեպ ստեղծվեց, երբ ընդդիմադիր ուժն եկավ իշխանության։ Նա պետք է շատ ավելի լավ արդյունքներ ցույց տար, քան գործող իշխանությունը, բայց վարկաբեկվեց և խայտառակվեց»,- Տավուշի մարզի Նոյեմբերյան քաղաքում քարոզարշավի ընթացքում ասաց «Ինտելեկտուալ Հայաստան» կուսակցության նախագահ, «Հայաստան» դաշինքի անդամ Մանուկ Սուքիասյանը։
Դիմելով դաշինքի առաջնորդ, ՀՀ երկրորդ նախագահ Ռոբերտ Քոչարյանին՝ նա ասաց․ «Պարոն նախագա՛հ, ի թիվս տնտեսական և անվտանգային մարտահրավերների, Ձեր առջև կանգնած է ևս մեկ պատասխանատու առաքելություն․ Հայաստանում ստեղծել նախադեպ, որ ընտրությունների միջոցով ընդդիմությունը դառնա իշխանություն և ցույց տա շատ ավելի բարձր արդյունքներ, քան նախորդ իշխանությունները»։
«Ես լիահույս եմ, որ հունիսի 21-ին մենք ունենալու ենք նոր Հայաստան», - նշեց Սուքիասյանը։
