Վահե Հակոբյան․ Իշխանությունը բոլորին մեղադրում է կոռուպցիայի մեջ, բայց ոչ մի ապացույց չի բերում

«Երեք տարի է՝ գործող իշխանությունը ստում է։ Սուտ, կեղծիք, զրպարտություն․ սա է գրած նրանց այցեքարտին»,- Բերդ քաղաքում ընտրողների հետ հանդիպմանն ասաց «Վերածնվող Հայաստան» կուսակցության նախագահ, «Հայաստան» դաշինքի անդամ Վահե Հակոբյանը։

«Նրանք բոլորին մեղադրում են կոռուպցիայի մեջ, բայց ոչ մի ապացույց չեն բերում, չկա որևէ դատական վճիռ։ Սա նշանակում է, որ չեն կարողացել, ունակ չեն բացահայտել կոռուպցիոն սխեմաները, կամ էլ ներգրավված են դրանց մեջ»,- ասաց Հակոբյանը։ Նա ներկայացրեց, թե երեք տարվա ընթացքում ինչ կոռուպցիոն սխեմաներ են ստեղծվել ճանապարհաշինական աշխատանքների կատարման ժամանակ։