«Դիմադրություն» շարժման ներկայացուցիչներն այցելել են Շիրակի մարզ
Սեպտեմբերի 10-ին «Դիմադրություն» շարժման ներկայացուցիչներն այցելել են Շիրակի մարզ, հանդիպել քաղաքացիների հետ, խոսել արտաքին ահագնացող մարտահրավերների, ներքաղաքական իրավիճակի և առաջիկա անելիքների մասին։
Հանդիպման ընթացքում քննարկվել են շարժման արդյունքները, դրա միջազգային ընկալման հետ կապված խնդիրները և նոր փուլի գործողությունները։ Մանրամասն ներկայացվել են առաջիկայում ընդդիմադիր ֆրակցիաների գործունեության հիմնական ուղղությունները և անելիքները։
Հանդիպման ընթացքում մասնակիցները ներկայացրել են «Դիմադրություն» շարժումն ընդլայնելու և վերջնարդյունքն ապահովելու ուղղությամբ իրենց մտահոգությունները և կոնկրետ առաջարկությունները։
Մասնակիցները կարևորել են Երևանից դուրս՝ հանրապետության բոլոր մարզերում, դիմադրության օջախներ ձևավորելու անհրաժեշտությունը՝ շարժման ապակենտրոնությունն ապահովելու և այն ընդլայնելու նպատակով։
Ներկաները արձանագրել են նաև քաղաքացիների հետ հանդիպումների այսպիսի ձևաչափերի անհրաժեշտությունը և սպասված լինելը։
Քաղաքացիների հետ բաց և ազնիվ քննարկումներ ծավալելու և շարժման առաջիկա ծրագրերին նրանց ներգրավելու նպատակով նման բովանդակությամբ հանդիպումները կրելու են շարունակական և պարբերական բնույթ։
