Քոչարյան․ Մենք կորցրել ենք մեր ազդեցությունը Ջավախքում
«Մենք միշտ փորձում էինք ներգրավել Սփյուռքի պոտենցիալը Հայաստանի զարգացման գործում, միևնույն ժամանակ՝ հասկանալով, որ դա չի կարող լինել միակողմանի»,- այսօր՝ հունիսի 16-ին Աշոցքում ընտրողների հետ հանդիպման ընթացքում ասաց ՀՀ երկրորդ նախագահ, «Հայաստան» դաշինքի առաջնորդ Ռոբերտ Քոչարյանը։
«Հայ մնալու համար պետք է հայոց լեզու, հայ եկեղեցի, հայ ազգային արժեհամակարգի պահպանում։ Այդ նպատակով մենք Հայաստանում հայերենի ուսուցման դասընթացներ էինք կազմակերպում ոչ միայն Ջավախքից հայ ուսուցիչների համար, այլ՝ ամբողջ աշխարհից, դասագրքեր էինք հրապարակում։
Մեր կապը Ջավախքի հետ շատ ջերմ էր, մենք ազդեցություն ենք ունեցել այդ տարածաշրջանի վրա։ Հետագայում այդ կապը գնալով նվազեց։ Վրաստանում համապետական բոլոր ընտրությունների ժամանակ տեղի իշխանություններից մեզ դիմում էին, որ մենք աջակցենք նրանց՝ հայաբնակ շրջաններում։ Հիմա ոչ ոք չի դիմում, որովհետև այդ ազդեցությունը կորցրել ենք»,- նկատեց նախագահ Քոչարյանը։
