Ռ․ Քոչարյան․ Ազգային արժեքային համակարգի դեմ ուղղված փոփոխությունները վերացվելու են

«Վերջին երեք տարվա ընթացքում կրթության ոլորտում կատարված բոլոր փոփոխությունները, որոնք ուղղված են եղել ազգային արժեհամակարգի դեմ, շատ արագ վերացվելու են և վերադառնալու ենք նախկին ծրագրերին»,- այսօր՝ հունիսի 12-ին, Ստեփանավանի մշակույթի տանը հանդիպման ժամանակ հայտարարեց ՀՀ երկրորդ նախագահ, «Հայաստան» դաշինքի առաջնորդ Ռոբերտ Քոչարյանը։

Անդրադառնալով ուսուցչի արժանապատիվ վարձատրությանը, նախագահ Քոչարյանը հիշեցրեց, որ 1998 թ․ -ին, երբ ինքը նախագահ էր ընտրվել, ուսուցչի աշխատավարձը կազմում էր ընդամենը 8 հազար դրամ։ Հետագայում այն հասել է 80 հազար դրամի՝ մեկ դրույքի համար։ Այս տենդենցը շարունակվելու է։

Անդրադառնալով կրթական մակարդակին, Ռոբերտ Քոչարյանն ասաց․ «Կրկնում եմ, եթե կրթական մակարդակը բարձր լիներ, միգուցե և մեր երկրում 2018 թ․-ի իրադարձությունները չլինեին, որովհետև մարդկանց խաբել հնարավոր է միայն այն հասարակություններում, որտեղ խնդիր կա կրթական համակարգի հետ», - ասաց Ռ․ Քոչարյանը։